Mipa volleyball champion France

Ariake Arena, Tokyo-ah Inrinni khan mipa volleyball final khelh a ni a, France-in Russian Olympic Committee (ROC) 3-2 (25–23, 25–17, 21–25, 21–25, 15–12) a hnehin gold medal an la. Bronze medal inchuhnaah Argentina-in Brazil 3-2 (25–23, 20–25, 20–25, 25–17, 15–13) in an hneh.

Volleyball inelna hi July 24 aṭang khan khelh ṭan a ni a, ram 12 an tel. France tan volleyball-a gold medal an lak hmasa ber a ni a, chanchin chhinchhiah tlak a tling.

France group match hmasa berah United States an hneh lo nghal a, Argentina leh Brazil te an hneh lo bawk. Amaherawhchu final-a an hmachhawn ROC leh Tunisia te an hneh thung.

France hian quarter-final-ah Poland 3-2 in an hneh hram a, semifinal-ah Argentina 3-0 a hneh hnuin final-ah ROC hi an hneh a ni.