Tokyo Olympic 2020 hlimthla

Tokyo Olympic 2020 chuan sulhnu ropui leh hriatreng tawh tur tam tak a hnutchhiah a, ṭhenkhat tan chuan theihnghilh zui ngal daih atan duhawm a nih laiin ṭhenkhat tan erawh an dam chhunga an nun ti danglamtu a ni tawh thung.

Thil thleng nemnghet turin thlalak tam tak a awm, tarlan vek sen erawh a ni lo. Thlalak ṭhenkhat zinga mipui hlut leh hriatreng atana pawimawh ṭhenkhat chu hengte hi an ni.

Lalremsiami Hmar chu Tokyo 2020-ah India hmeichhe hockey team tan a inlan. Olympic hawnna hunah mi tlemte chauh an kal avangin Siami a kal ve lo a, kharna hunah erawh a inlan thung.

Closing ceremony-ah ram pathum hnam puanzar zar a ni. Japan hi kumina thlengtu an ni a, Greece hi Olympic Games bul ṭanna niin, pathumna France hi 2024 Summer Olympic thlengtu tur an ni thung.

Linoy Ashram kha in lo hmu em? Israel aṭanga rhythmic gymnast inlan chuan individual all-around huangah mi bik a nihzia a lantir a, an ram tan gold medal a hlawh chhuak.

Brazilian defender Dani Alves-a'n Tokyo 2020 mipa football gold medal an lak chu khelmual chhungah a lawm a, chak lo Spanish midfielder Carlos Soler tan erawh hun duhawm lo tak a ni thung.

Olympic-ah a vawi khat nan karate telh a ni a, mipa kata huanga gold medal latu Japanese tlangval Ryo Kiyuna chuan hlawhtlinna a chan laiin a nu a hre reng. A nu thi tawh thlalak chu gold medal a dawn lai hian a pho chhuak a ni.

Mipa 10km zeta thui tui inhleuh siak a awm, inelna neih lai hian Singapore tlangval Li-Shan Chantal Liew chu pawn lam aṭangin tui intur pek a ni. An tui hleuh a thui tham avangin an tui a hal hman a, tui thianghlim chauh an in thung.

International Olympic Committee president Thomas Bach chuan a kut hmangin hmangaihna a lantir, kharna inkhawmah thu sawiin - Japanese mipuiten hun harsa leh khirh khan tak kara Tokyo 2020 hlawhtling taka an thlen theih avangin lawmthu a sawi.

7. Neeraj Chopra chuan India tan mipa Javelin huangah gold medal a hlawh chhuak. India infiammi zingah athletics huanga gold medal la thei hmasa ber a ni hial.

Italian sprinter Lamont Marcell Jacobs chuan 100m intlansiakah hnehna a chang. 100m hi 9.80 seconds chhungin a tlan thleng a, vawi thum champion tawh Usain Bolt chawlh hnua inelna hmasa bera champion a nih avangin hriat a hlawh.

Covid-19 vangin Tokyo 2020 kha a hmunah entu mipui an awm thei lo. Hawnna leh kharna hun hmannaah pawh infiammi leh mi pawimawh bak an lut thei lo, ṭum dang Olympic ai chuan a khawhar thlak hle.

Tokyo khawpuia Olympic kharna hun an hman lai khan Paris lamah erawh 2024 Olympic lawmna bul an lo ṭan der tawh. Eiffel Tower bulah mipui an pungkhawm a, thlawhtheihna hmangin ennawm chhuah a ni.