Rei tak hnuah Petkovic a champion

Andrea Petkovic chuan kum ruk zet nomawi a chawi loh hnuah hlawhtlinna a chang ve leh ta. German nula hian Pathianni zan khan Winners Open final-ah Mayer Sherif chu 6-1, 6-1 in a hneh.

Tun hma lama world number 9 ni tawh, tun dinhmuna number 91 hian worlnd number 119 hneh turin harsatna a tawk lo, darkar khat chuang deuh an inkhelh lai hian a service a hloh miah lo.

Kum 33 mi Petkovic tan tennis a khelh hun chhunga nomawi pasarih a chawina a ni a, chak lo Sherif erawh Egypt nula zinga WTA title la hmasa ber nih a tumna chu a la thlawn ta rih a ni.