Champion lai an chelh nghal

French Ligue 1 champion lai Lille chu tun season an match hmasa berah an chak zo lo. Lille hian Metz an lenchilh a, goal hnih an phurh hnuah an si phurh sut zo lehin 3-3 in an inhnehtawk.

Stade Saint-Symphorein-a inkhelah Lille lamin Sven Botman hmangin goal hmahruai an khung. Mahse, mualneitu lamin Fabien Centonze-a goal hnih leh Matthiew Udol te goal hmangin an chhang let a, 3-1 in hma an hruai let.

Champion lai Lille an tlawm duh bik lo, hun tawp dawn minute kua chauh a awm tawh tihah Nanitami Ikone hmanga an sut ṭhen hnuah, hun pek belh minute sarihnaah Alexandre Oukidja-a'n siphurh a sut zo.

Inrinni zan khan champion tura rinkai Paris Saint-Germain chuan hnehna an lo chang tawh a, Paris club hian season hmasa lama league nomawi an hloh chu laklet ngei an tum dawn a, match hmasa bera chetsual hi Lille tan a pawi thei ang.