De Bruyne leh Foden-ten doctor thiam an rawn

Manchester City player pawimawh pahnih Kevin De Bruyne leh Phil Foden te chuan an hliam vangin surgeon lar Dr Ramon Cugat chu Barcelona-ah a hmu.

Player pahnih hi Euro laia inhliam ve ve an ni a, De Bruyne hi last 16-a Portugal nen an inkhelh ṭumin a ke rekah hliam a tuar. Foden erawh Italy nen final an khelh hmain training-naah a khupah hliam a tuar thung.

De Bruyne hian a ke rekah harsatna a nei a, training phalsak ni tawh mah se a tihnat belh chuan zai a ngaih dawn avangin dimdawi taka enkawl a ṭul ang.

Foden erawh a ke a la tuam khawng a, a inliam dan tak hi football-a thleng khat tak a nih avangin specialist-te pawhin enkawl an harsat. Khelmual chhunga ngai awh leh tur chuan Foden hian hun a la mamawh dawn a, chutihrualin hmasawn lam erawh a pan ve zel.

Aymeric Laporte pawhin kar liam ta khan training zawm tawh mah se a thlawhtheihna chuannaah Covid-19 positive an awm avangin a inkhung hrang leh mek.

Manchester City hian Community Shield-ah player pawimawh ṭhenkhat tel loin Leicester City an hneh lo a, August 15, Pathianni zan hian Premier League match hmasa berah Tottenham Hotspur an hmachhawn ang.