Spurs ṭantuten Saka an lo lawm

England tan Euro final-ah penalty a hlah a, midum a nih avangin hmuhsit leh chhaih nawmnah a tawk. Arsenal duhlai Bukayo Saka-a'n hun harsa tawk mah se an hmelma Tottenham Hotspur ṭantute meuhin kut bengin an lo lawm.

Pathianni zan khan Tottenham Hotspur Stadium-ah North London club pahnih ten friendly match an khel a, maulneitu lamin Son Hueng-min a goal khat hmangin 1-0 in hnehna an chang.

Spurs ṭantute hian an khelmual luh dawnah Saka an lo lawmna thuziak an lantir bawk, "Bukayo Saka leh player dang vun rawng vanga hmuhsit tuar zawng zawngte in lamah kan ṭang tlat, keini chuan chi inthliarna hi kan do a ni," tih an ziak.

Arsenal tan hian defender thar Ben White chuan a vawi khat nan inkhel bul a ṭan a, Spurs striker Harry Kane erawh Euro 2020 zawh aṭangin a la inkhel leh lo thung - a hma hun a la chiang lo zel.

Nuno Espirito Santo chuan Kane hian mimal training a nei tawh thu leh, an inbiak thuai tur thu a sawi. Kane hi Premier League champion Manchester City nen sawizawm mek a ni.