Bale-a'n penalty a hlah

Gareth Bale chu Real Madrid lamah a kir leh tawh. Spanish club lian tan hian Pathianni zan khan a inlan a, mahse goal khung theihna remchang a neih penalty a hlah - an mikhual AC Milan nen goal awm loin an inhnehtawk.

Season hmasa khan Bale hi a club hlui Tottenham Hotspur lamah loan hmangin a khel, jersey number 50 ha chungin minute 45 a khel - tunkar tawpa La Liga season ṭan hunah inkhel turin a inpeih tih a lang.

Kum 32 mi Bale hian Zinedine Zidane enkawlna hnuaiah hmun nghet a chang lo a ni satliah lo, an chhawr duh lo. Manager thar Carlo Ancelotti-a'n hna a thawh chinah erawh Wales forward hian khelhna hmun a chuang leh dawn ta.

Real Madrid hian season thar an match hmasa ber atan August 14, Inrinni zan hian Alaves an lenchilh ang.