Nadal a hnung tawlh

Mipa tennis thuneitu sang Association of Tennis Professionals (ATP) chuan ranking thar a ti chhuak a, number 2 aṭangin Rafael Nadal chu pathumnaah a tlahniam - Spanish tlangval tan chanchin ṭha lo a ni.

Grand Slam vawi 20 champion tawh hi kar hmasa khan Citi Open-ah last 16 paltlang zo loin an tla. Ranking point neih tam lamah Greek tlangval Stefanos Tsitsipas chuan rawn tlan pelin pathumna dinhmun hi a rawn luahlan.

Washington khawpuia nomawi chawitu Jannik Sinner tan erawh chanchin lawmawm a ni. Italian rawlthar hi 15-naah a rawn inhlangkai, tun thla chawhnu lama kum 20 tling tur chauh a la nih avangin hmabak a nei êng hle.

Novak Djokovic chu a chung berah a la awm chhunzawm zel. Serbian star hian chawlhkar 333 zet chu number 1 dinhmun a luah ta. Number 1 nih rei lamah Roger Federer (310 weeks) chu a khum chiang ta hle a ni.