Stadium khatin PSG inkhel en dawn

Inrinni zanah Paris Saint-Germain chuan Ligue 1 match khel turin Strasbourg an mikhual dawn. Inkhel hi mipui 49,700 lenna Parc des Princes khatin a hmunah an en thei dawn tih a chiang tawh.

France sorkar chuan hrileng vanga inkaihhruaina a thlahdul ve hret hret zel. Paris khawpuiah pawh hian hun rei tak hnua a vawi khat nan stadium khat an pungkhawm ve leh thei tawh dawn tihna a ni.

Inkhel en tur erawhin dan zawm a ngai dawn, invenne (vaccine) la kim tawh emaw, inkhel ṭan hma darkar 48 chhungin hri lakah a fihlim ngei a ni tih endikna an paltlang a ngai dawn - a duh nazawng tan inkhel en ngawt theih a la ni ngawt lo deuh.

France ramah hian mipui maktaduai 36 chuang an awm, ram mipui 54% chuang in invenna damdawi hi an dose kimin an la tawh.