Ibra dinhmun a chiang lo

Zlatan Ibrahimovic chuan a ṭhiante zingah training pangngai a la zawm thei lo, a hrana training a la ngaih avangin Serie A season tirah kan hmu nghal thei dawn em tih a chiang ta lo.

October thla tira kum 40 tling tur Ibra hi June thla khan a khup vei lam hliam zai a ni. Season hmasa pawh khan a hliam vang hian match eng emaw zat chu a khel thei lo - Euro 2020 pawh khan Sweden tan a khel thei lo a ni.

Tuna a lan dan chuan Zlatan hi August 24-a Sampdoria an hmachhawn hunah a la inpeih hman lo ang. Serie A match pahnihnaa Cagliari an mikhual tur atan pawh a dinhmun a chiang rih lo bawk.