Serena dinhmun a hniam

Women's Tennis Association (WTA) chuan Thawhṭan zan khan world ranking an ti chhuak thar. Hun rei tak chhung world number 1 pawh lo ni tawh Serena Williams chu a sang zual 20 zingah a lang phak hram.

Serena hian tun hnaiah hlawhtlinna a chang hleithei lo, ranking tharah hian player paliin rawn tlan pelin a hnung tawlh ta duai a ni. US lamah inelna an hmachhawn ṭan leh dawn, anmahni ramah ngei ranking siamṭhat theihna remchang a nei leh ang.

Tokyo Olympic champion Belinda Bencic chuan hma a sawn hret, mahse Swiss star hian player pakhat chauh a la kal pelh theih avangin 11-naah a awm. A chung berah chuan tuma tluk lohin Ashleigh Barty a la awm chhunzawm.

Season hmasa aṭang khan Barty hian number 2 dinhmun a la luah ngar ngar a, amah hnaih bertu Naomi Osaka hian Australian Open hnuah chanchin lawmawm a la nei leh meuh lo.