Coman leh Hernandez an dam hnai

Bayern Munich player pawimawh Kingsley Coman leh Lucas Hernandez te chuan team training an zawm pangngai leh thei tawh. Zanin dar 1:15-a Hoffenheim nen German Cup (DFB Pokal) an khelh hunah la inlan thei chiah lo mah se kar tawpa Bundesliga an khelh hunah an inkhelh theih tawh a rinawm.

France international defender Hernandez hi nikum October thla khan a kerek a hliam a, a hnu lamah a la inkhel leh lo. Ram tana a khelh pui Coman pawh December aṭang khan khup hliam vangin a chawl mek bawk.

German champion Bayern tan kuminah nomawi hminsa tia sawi theih a awm lo, a bik takin Bundesliga lamah inelna a hautak. Hans-Dieter Flick-a naute hi hmahruaitu ni mah se RB Leipzig leh Borussia Dortmund te chuan hnai takah an um ve reng; match khat chet sual hlek chuan an dinhmun inthlak danglam thei vek an la ni.