Bangladesh-in Australia an sawp

Bangladesh-in an mikhual Australia chungah zahngaihna a lantir lo a, T20 match nga an khelhah 4-1 in hnehna an chang. Match tawp berna hi Thawhṭanni zan khan khelh a ni a, Bangladesh hi 60 runs-in an chak.

Sher-e-Bangla-a inkhelah ṭhumvawra vannei Bangladesh-in bat hmasak an thlang a; Mohammad Naim (23), Mhahmudullah (19) leh Soumya Sarkar (16) te hmangin 122/8 runs an siam.

Australia tan target harsa niin lang lo mah se Bangladesh bowler an che ṭha. Shakib Al Hasan-a'n wicket li lain 9 runs chauh a pe a, Mohammed Saifuddin (12/3) leh Nasum Ahmed (8/2) te che ṭha bawkin Aussies hi over 13.4 lekah an thi fai vek a, 62 runs chiah an siam a ni.