Djokovic a inhnukdawk

Novak Djokovic chuan Western & Southern Open aṭanga a inhnuhdawh thu a sawi. ATP Masters 1000 tournament a khelh dawn loh avangin US Open atan hahchawlhna hun a nei hnem a, inbuatsaihna erawh a nei dawn lo tihna a ni.

Tennis world number 1 Djokovic chuan, "Australian Open aṭanga Tokyo 2020 thleng chawlh nei loin ka inkhel, tunah chuan ka taksa hian hun rei zawk atan hahchawlh a mamawh a ni.

"Chawlh ka mamawh avangin Cincinnati lamah ka hmel in hmu thei dawn lo, a pawi ka ti takzet. Chhungkua in hun kan hmang ang a, US Open lamah rilru tharin kan inhmuh leh thuai ka beisei," tiin New York khawpui a tin zawn thu a sawi.

Serbian star hian season kal laiah - Australian Open, French Open leh Wimbledon title a la vek. US Open a la leh thei a nih chuan a vawi hnih nan Grand Slam title chu ṭum khatah a kawl khawm vek dawn.