Inter leh Nainggolan an inṭhen

Inter Milan chuan an player Radja Nainggolan nen inhriatthiam tawnna in contract an neih lai chu an titawp. Nainggolan hian season hmasa chawhnu lama loan hmanga a zawm Cagliari chu a nghetin a zawm chhunzawm ang.

Thu chhuah siamin Inter chuan, "Radja Nainggolan leh Inter Milan chu kan inṭhen fel, inhriatthiam tawnna in contract tih tawp a ni. A kal zelna turah duhsakna kan hlan," tiin an player an thlahna thu an sawi.

Serie A champion Inter hian 2018 June thla khan AS Roma aṭangin Nainggolan hi an lalut a, mahse beisei angin an chhawr lo - Inter tan hian season khat bak pangngai taka khelh a nei lo.

Antonio Conte awm hnuah phei chuan a chhawr duh loh zinga mi a nih avangin loan hmangin a chhuak - Cagliari tan hian league match 48 a khelh aṭangin goal sarih a khungsak tawh a ni.