ICU-ah Chris Cairns a awm

New Zealand all-rounder hlui Chris Cairns chu Sydney damdawi in ICU-ah a awm mek. Cricket player lar zinga tel phak Cairns hi a lung a zai avanga damdawi ina awm a ni.

Cairns-a chhungte chuan St Vincent's Hospital, Sydney-ah hian zai nawn a nih thu an sawi a, a nupui Melanie chuan an pa ngaihsaktute avangin lawmthu a sawi.

Kum 51 mi Cairns hi a hunlaia all rounder ṭha ber zinga sawi a ni a, Test match vawi 62, ODI match 215 leh T20 match nih a khel a, kum 1989 aṭanga 2006 thleng khan Black Caps tan a inlan. Cairns-a pa Lance pawh hi New Zealand cricket team tana khel pha a ni.