Saints striker thar Armstrong

Premier League club Southampton chuan Adam Armstrong an lalut. Saints hian Blackburn Rovers aṭangin striker hi kum li chhung Saint Mary's Stadium-a cham turin contract an ziahpui.

Kum 24 mi Armstrong hian tun hmain EPL-ah tawnhriat a lo nei tawh. Newcastle United tan match 15 a khelhsak a, a club hlui tan erawh chhuan tur a nei lo, a ṭhiante goal khung tur vawi khat a siamsak.

Blackburn-ah erawh a intuai hriam hle, match 135 a khelh aṭangin goal 64 a khung. Season hmasa Championship bikah goal 28 ngawt a khung a, goal khung tam pahnihna a ni phak hial.

Nipui bazar chhungin Saints hian player panga an lalut tawh. Armstrong hma hian - Theo Walcott, Romain Perraud, Tino Livramento leh Armando Broja te an lo lalut tawh bawk a ni.