Haaland hian a khung tam tawk - Thorgan Hazard

Borussia Dortmund midfielder Thorgan Hazard chuan a khelhpui Erling Haaland chu goal khung kawngah chuan duhthusama ṭha a nih thu a sawi a, chutih rualin a ṭhiante khung tur siamsak hnem ve deuh tura a duh thu a sawi bawk.

Hazard chuan, "Haaland hian goal a khung hnem lutuk, ṭhiante khung tur siamsak hnem ve rawh se," tiin a ṭhianpa chungchang fiamthuin a sawi. Haaland hian Bundesliga match hnuhnung pasarihah goal kua a khung.

Haaland hian Dortmund leh Borussia Mönchengladbach inkhelh ṭumin Hazard goal khung tur a siamsak. Hazard chuan, "A goal khung tur ka siamsak a, chumi hnuah min siamsak ve leh bawk, kan inrul tawk chiah, match kan neih leh hun chu ka siamsak hun a ni leh ang," a ti.

Coronavirus vangin Bundesliga an chawl mek a, hri leng mek vang hian engtikah nge German football an khelh chhunzawm leh ang tih hi chiang taka sawi theih a ni lo. Dortmund hi table-ah pahnihna an ni mek a, an chungah champion lai Bayern Munich chu point liin an sang fal mek.