Futsal World Cup Russia leh Portugal tling

FIFA Futsal World Cup chu kumin September 12 - October 4 chhung hian Lithuania-ah khelh a ni dawn. Russia chuan an elpui Croatia 3-2 a hnehin an tling a, Portugal-in group match hnuhnung berah Italy hnehin an tling ve bawk.

Futsal World Cup-ah hian khawmualpui paruk aṭangin team 24 an tel thei a, Europe khawmualpui aṭangin inelna thlengtu Lithuania bakah team ruk an thawh dawn. 2016 finalist Russia leh 2000 pathumna Portugal hi a tling hmasa an ni a, Oceania aṭangin Solomon Islands an tling tawh bawk.

Asia khawmualpui pawhin team paruk an thawh thei a, World Cup khel tur hi 2020 AFC Futsal Championship aṭangin an zawng ang. Inelna hi ruahman dan chuan February 26- March 8, 2020-ah khelh tur ni mah se cornavirus avangin a hun sawn a ni dawn.