Nishikori a inkhel thei lo

Kei Nishikori chu Toronto Masters aṭangin a inhnukdawk. Japanese tlangval hi a dar (shoulder) hliam vangin a chawlh rih a ngai dawn - tun thla tawpa khelh tur US Open erawh a khelh theih beisei a ni thung.

An ram khawpui Tokyo-ah Nishikori hian Olympic a hmachhawn a, mahse world number 1 Novak Djokovic a hneh lo. A inkhelh thiamna hard court season hman chhunzawm nghal theih in beisei mah se a chawlh rih a ngai dawn.

US Open final pawh lo khel tawh Nishikori chuan, "Tournament aṭanga inhnuhdawh a ngaih thu sawi hi thil hrehawm tak a ni. Mahse ka dar dinglam na avangin tunah chuan inkhel thei dinhmunah ka ding lo, ka inkhelh leh vat theih nan awm dam phawt a ngai," a ti.

Toronto Masters aṭang hian Rafael Nadal pawh a lo inhnukdawk tawh, ani bakah hian Serbian star Djokovic pawhin hahchawlh a mamawh avanga a in an rih loh tur thu a lo sawi tawh bawk.