Dumfries-a'n Inter zawm dawn

Euro 2020 hmang ṭha ber zinga mi Denzel Dumfries chuan Inter Milan a zawm dawn a, PSV Eindhoven leh Italian champion-in a thuphungin inremna an nei tawh.

Kum 25 mi Dumfries leh Inter hi mimal contract chungchangah an inrem tawh bawk. Euro 2020-ah khan right back Dumfries hian Netherlands tan goal hnih a khung a, defender ni chung siin a goal bawh a na hle.

Inter Milan hi Serie A champion lai ni mah se sum vangin an buai a, manager Antonio Conte an chan hnuah player pawimawh Achraf Hakimi leh Romelu Lukaku te an chhuahtir tawh a ni.