UEFA Super Cup chu eng nge?

Kum tina neih ṭhin UEFA Super Cup hi Europe-a football thuneitu sang ber UEFA buatsaih a ni a, UEFA Champions League leh UEFA Europa League champion te an inkhel ṭhin. Kum 1972 khan inelna ṭan tur hian ruahmanna siam a ni a, kum 1973 aṭangin khelh ṭan a ni.

Inelna hi a tirah chuan European Super Cup tih a ni a, kum 1995 aṭang khan UEFA Super Cup tiha a hming thlak a ni. Kum 1972 aṭanga 1999 thleng khan European Cup/UEFA Champions League leh UEFA Cup Winners' Cup a champion ten an khel ṭhin. UEFA Cup Winners' Cup tih tawp a nih tak avangin Champions League champion leh UEFA Cup champion ten an khel zui.

Kum 2009 khan UEFA Super Cup chu UEFA Europa League-ah thlak a ni a, tunah chuan Champions League champion leh Europa League champion ten an khel ṭhin. UEFA Super Cup hi Barcelona leh Milan ten vawi li ve ve an chawi tawh a ni.

Mimalah chuan Paolo Maldini leh Dani Alves ten vawi nga ve ve an khel tawh a, vawi li ve ve nomawi an chawi. Manager ropui pahnih Pep Guardiola leh Carlo Ancelotti ten vawi li ve ve nomawi an chawi a, Sir Alex Ferguson erawh inelna inlan ngun ber niin vawi li a inlan.

Super Cup-ah hian goal thum khung thei palyer pakhua an awm a, chungte chu Arie Haan, Oleg Blokhin, David Fairclough, Gerd Muller, Rob Rensenbrink, Francois Van Der Elst, Terry McDermott, Radamel Falcao leh Lionel Messi te an ni. Messi hi 2009 leh 2015 khan man of the match-ah thlan a ni a, ṭum khat aia tam man of the match lawmman dawng thei awmchhun a ni.