Saints tan Long a rinawm

Premier League club Southampton chuan an striker Shane Long chu season hnih daih contract thar an ziah pui a, 2021-22 season tawp thleng an kawl chhunzawm dawn tihna a ni.

Republic of Ireland international hi 2014 khan Hull City aṭangin St Mary-ah a lut. Saints tan goal 35 a khungsak tawh a, tawnhriat a ngah tawhna chu player naupang zawkte tan a ṭangkai thei hle.

Kum 33 mi Long chuan, "Club kalphung hi ka duhdan leh ngainat zawng a ni a, he hmunah hian hun rei zawk ka awm thei tur hi ka lawm. League-ah eng chen nge kan thlen dawn chu hre lo mah ila beiseina chu kan nei sang," a ti.

Tun kartir lam khan manager Ralph Hasenhuttl chuan contract a lo pawtsei tawh bawk. Hasenhuttl chuan, "Shane hi player puitling tak a ni a, ka tan hnathawh ti nuamtu leh min puitu ṭangkai a ni," tiin a striker chungchang a sawi ve bawk.