Hyderabad Open an ṭhulh

Badminton World Federation hnuaia inelna neih tur Hyderabad Open chu coronavirus vangin neih theih a ni dawn lo. India ram khawpui pakhatah hian a vawi khat nan August 11-16 chhunga neih tum ni mah se ṭhulh a ngai.

Badminton Asso-ciation of India (BAI) chuan beiseina sang tak nen Hyderabad Open hi neih tlang theih an beisei, a hmuna entu awm loa khelh thlengin an ngaihtuah hman.

Mahse hripui leng vang hian Australian Open (June 2-7) leh Korea Open (November 24-29) te ang bawkin Hyderabad Open pawh an ṭhulh fel. March thla a khelh zawh All England Championship hnuah badminton inelna hi neih chhunzawm a la ni lo.

BWF chuan thuchhuan siamin, "BWF leh Badminton Association of India te chuan Super 100 tournament chungchang hi ngun takin kan ngaihtuah a, kumin atan chuan khelh theih a ni lo ang," an ti. India chief national coach Pullela Gopichand pawhin inelna an ṭhulh chu a pawm thu a sawi ve bawk.