Coppa Italia khelh hun a hriat ta

Italian Football Federation chuan Coppa Italia 2020 hmawr bawk dan tur an ti chiang, semifinal second leg leh final chu June 17-ah khelh zawh vek a ni ang - Serie A khelh hmain an zo dawn tihna a ni.

Semifinal first leg khelh a ni tawh, AC Milan leh Juventus te chu 1-1 in an inhnehtawk - anni pahnih hi June 12-ah an inkhel ang. Semifinal lehlam hi zan inangah Napoli leh Inter Milan ten an khel chhunzawm ang, Napoli hian 1-0 in hma an hruai mek.

Coppa Italia final chu June 17-ah khelh a ni dawn a, tuna ruahman dan chuan a hmunah entu an awm dawn lo. Serie A chu June 20 aṭanga khelh chhunzawm a ni bawk ang - hri leng vanga thla thum an chawlh tawh avangin inhnaihchilh takah match an khelh ṭhin a ngai dawn.