Premier League Thil Thar

Fans an kir dawn:
Covid-19 vangin March 2020 hnuah stadium khata fans punkhawm England-ah a awm leh tawh lo a, mahse, July 19 khan UK sorkar chuan inkhuahkhirhna tam tak a hlip a, Premier League-ah entu an awm dawn.

VAR dan thar:
Kum 2019 khan Premier League-ah Video Assistant Referee (VAR) hman ṭan a ni a; goal, penalty, red card leh a ni lo zawk hrem palh thila tihsual siamṭhat nana hman theih a ni. Season liam taah offside chungchangah sawisel tam zawk tih bo nan 'line' tê zawk hman a ni tawh dawn a, hei hian ke zungpui leh zakhnuai te avanga offside awm leh ṭhin chu a tihbo beisei a ni.

Handball chungchang: Football khawvela dan duangtu International Football Association Board (IFAB) lamin an lo rel tawh angin ball-in kut a tawh fuh zawng zawng chu handball-ah chhiar a ni vek dawn lo. A tawi zawng chuan tihpalh vanga khawih fuh chu handball-a chhiar a ni dawn lo tihna a ni.

An la ṭhingṭhi dawn:
Season hmasa khan league match khelh ṭan a nih dawn apiangin player-te an ṭhingṭhi ṭhin a, hei hi chi leh chi inthliarna tibo tura hmalakna chi khat a ni. Tun season-ah pawh an chhunzawm ang.