Konta a khel zawm thei lo

Canadian Open khelh laiah Johanna Konta-i'n beisei a nei sang hman hle. Mahse Britain nula hi a khup hliam vangin a inkhel chhunzawm thei lo, a khingpui tur Coco Gauff chu inkhelh hah ngai loin chaka puan a ni.

June thla a khelh Nottingham Open hnuah Konta hian inelna a hmachhawn ve leh chauh, a match hmasa lamah a khelh ṭhat avangin a lakah beisei a sang hman. Zhang Shuai leh seeded pathumna Elina Svitolina te a hneh.

Last 16 khelh tur ni mah se a inlan thei miau lo a, tleirawl Gauff tan chanchin ṭha a ni. American player hian quarterfinal-ah chuan Italian nula Camila Giorgi a hmachhawn ve leh thung ang.

Inkhel dangah seeded pahnihna Bianca Andreescu a chak lo. Canadian nula hi Ons Jabeu nen an inkhelh laiin natna vangin vawi hnih ngawt enkawl a ngai a, a ṭang zo ta lo; 6-7 (5-7), 6-4, 6-1 in a tlawm. Jabeur-i'n quarterfinal-ah Jessica Pegula a hmachhawn leh thung dawn a ni.