100m champion chawl rih dawn

Tokyo Olympic 100m champion Lamont Marcell Jacobs chuan intlansiak a chawlhsan laikawk tur thu a sawi, kuminah inelna a hmachawn tawh rih lo ang - nakkum lamah erawh a inlan leh thung ang.

Kum 26 mi Jacobs hian Tokyo 2020-ah khan 100m huanga gold medal a lak bakah, 4x100m relay team-ah an ram Italy chu a champion pui bawk a, tunlai khawvelah chuan mipa tlan chak bera sawi ngam a ni.

Italian tlangval hian scoial medai lamah zawhna a chhan danah, kumin chhung chuan intlansiak a tum tawh lo a, 2022-ah chuan lo kir leh a tum thu a sawi thung a ni.

Jacobs-a manager Marcello Magnani chuan, "Marcell hi hliam vanga chawl tur a ni lo, kuminah inelna hrang hrang a hmachhawn hnem tawh avangin chawlh hahdam a mamawh. Taksa a chauh lutuk chuan inhliam a hlauhawm," a ti.