Hri leng vangin US Open a buai

Nikum khan US Open hi hripui leng vangin a khelh hun sawn a ni a, a hmunah mi tlemte chauhin an en thei. Kuminah chuan inelna tak hi stadium khata entu awm turin an ruahman, tunah erawh hri leng a hluar leh tak avangin an dinhmun a chiang leh ta lo.

Inelna tak ṭan hmain qualifying an khel ṭhin, hemi chin hi a tirah chuan a hmunah mi 2,500 aia tam loin an en thei ang tih a ni. Mahse, qualifier bik hi chu entu an awm thei dawn lo, a hmuna entu awm loin an khel ang.

Tournament buat-saihtu lam chuan thuchhuah siamin, "United States Tennis Association tan chuan thutlukna harsa tak a ni. Hriselna lama mi thiam leh thuneitute nen kan inbe rawh a, kan ram dinhmun mila thutlukna kan siam a ngai," an ti.

Tennis season kal laia Grand Slam hnuhnung ber US Open hi main draw chin chu August 31 aṭanga khelh tur a ni ang.