Vestergaard-a'n Foxes a zawm

Leicester City chuan Denmark defender Jannik Vestergaard chu Southampton aṭangin an lalut ngei dawn, nimin khan medical pawh a nei fel - chanchinbu i chhiar chuan Foxes player a ni fel tawh ang.

Kum 29 mi Vestergaard hi pound maktaduai 15 man niin, a contract rei zawng erawh tarlan a ni lo. St Mary's Stadium-ah kum khat leh a chanve daih contract a neih chu a hmang zo ta lo a ni.

Vestergaard hian 2020 January thla khan Borussia Monchengladbach aṭangin Saints hi a zawm. Season hmasa khan Premier League match 30 khelin goal thum a khung a, goal venhim kawngah a thawh hlawk hle.

Brendan Rodgers-a'n Janaury thla khan Vestergaard hi a lo ngaihven tawh, a tirah erawh a la mai lo. Tunah chuan an defender Wesley Fofana chu hun rei tak chhung an chhawr thei dawn lo a, tawnhriat nei Jonny Evans a hliam mek bawk avangin tlarhnunga chhawr tur an mamawh.

Hoffenheim tana a khelh laiin Vestergaard hi Mizoram khelmual hmingthang Lammualah pawh a lo inkhel tawh. Foxes-in zanin dar 7:30-a Wolves nen Premier League an khelh hunah erawh a la inlan hman lo ang.