Hammers-in player hlawh 'cut' dawn

West Ham United chuan tun season-a an relegate a nih chuan player hlawh an tihniamsak dawn. David Moyes-a enkawl Hammers hi table-ah 18-naah an awm mek a, an chung chiaha awm Aston Villa point khat chiahin pha lo mah se tla thei dinhmunah an ding.

Hammers hi an sum dinhmun a ṭha lo a, season liam ta khan pound maktaduai 28.2 an hloh a, inven lawk nan an player ṭhahnem tak contract-ah an relegate chuan an hlawh tihhniam a nih tur thu ziak lawk.

Player hlawh tihhniam zat tur hi a inang lo a, player langsar chin chu 50% in tihniam tura tih an ni tlangpui. Chutihrualin an relegate a nih chuan player hlawh tih tlem duh loh chuan nipui transfer-ah club dang an zawm a rinawm.

West Ham hian Manchester City, Liverpool, Tottenham, Chelsea leh Manchester United an la hmachhawn dawn a, an hmabak a êng lo hle.