Olympic thlirtu Semenya

Olympic 800m hmeichhe intlansiaka vawi hnih champion tawh Caster Semenya chuan kumin nipui laia neih tur infiamna khawmpui lian a thlir lawk a, Japan khawpui Tokyo-a inelna an neih hunah erawh 200m huanga tel a tum.

Kum 29 mi Semenya hian tun hnai khan Pretoria-a inelna neihah Semenya hian 200m chu 23.49 seconds chhungin a thleng a, Olympic tlan tura tling chin chu 0.69secs in a phak lo - qualifier dang hmachhawn tur a la nei leh thei ang.

South African nula chuan, "Inrintawkna ka nei a, ka duh leh tum ang chu tih theih zel ka duh, chumi tur chuan theihna pawh ka nei niin ka hria. Inelna ka hmachhawn ṭhan lutuk loah ka inlan a, nidanga ka intlansiak ai chuan a boruak pawh a danglam.

"Boruak danglam mah se kei chuan Olympic hmachhawn tura tel theih ka inbeisei a, chu mi tur chuan ka hma a tih tur awm zawng zawng chu hlen chhuah ngei ka tum," a ti. Semenya hi Olympic 200m hmeichhe intlansiak atan a tling a nih chuan Dina Asher-Smith nen an inel ang, Britain nula Dina hi Olympic champion lai a nih bakah 2019 World Championships-a gold medal la thei a nih avangin an in um hi a hmuhnawm khawp ang.