Tih dik loh kan neih chuan finfiah rawh se - Guardiola

Manchester City chuan pound maktaduai 100-in Aston Villa aṭangin Jack Grealish an lalut a, hei aia manto zawk hian Harry Kane chu Tottenham aṭanga lakluh leh an tum bawk.

Liverpool manager Jurgen Klopp chuan, "Man City nena khaikhin chi kan ni lo, anni chu an sum hman danin tawp chin a nei lo," tiin a sawi.

German manager Klopp thusawi hi chhangin Guardiola chuan, "Tawp chin chu kan nei ve bawk e, Financial Fair Play a awm alawm. Team dang nen kan danglam lo a, club-in dan zawm chungin thutlukna a siam ṭhin. Season tinin team dang ang thoin dan hi ṭha takin kan sawm. Tih dik loh kan neih chuan finfiah rawh se," a ti.

Manchester City hian nizan khan Premier League match hmasa berah Totenham Hotspur an hmachhawn a, result kan hre hman lo.