Abraham-a'n Roma pan dawn

Chelsea striker Tammy Abraham chuan nimin khan medical nei turin Italy a pan a, English striker hian pound maktaduai 34-in AS Roma a zawm ang.

Serie A club leh Abraham aiawh te hi an indawrna a rei tawh a, tunkar tawp khan inremna an nei. Chelsea-in kar liam ta Ningani khan pound maktaduai 97.5-in Inter Milan aṭangin Romelu Lukaku an la a, Abraham tan chhuah mai loh chu tih theih dang a awm lo.

London club hian an player hlui Lukaku chu manto taka an lei avangin Abraham lakah an fimkhur a, pound maktaduai 68-a lei let theihna (buy-back clause) theihna dan a awm. Chutihrualin Blues-in he dan hi an hman hmain Abraham hian Roma tan season hnih a khelh phawt a ṭul thung ang.