Gerd Muller a thi

Germany leh Bayern Munich legend Gerd Muller chu nimin khan alzheimer natna vangin kum 75 mi niin a thi.

Muller hian West Germany chu FIFA World Cup 1974 leh UEFA European Championship 1972-ah te a champion pui a; Bayern Munich tan a vanglai hun hmangin Bundesliga leh DFB Pokal-ah vawi li ve ve a champion pui a, European Cup vawi thum a chawipui bawk.

Khawvelin Gerd Muller hi a goal khung theih vangin an hria a, Bayern tan match 607-ah goal 566 a khung. Bundesliga-a goal khung tam ber record chelhtu niin goal 365 a khung. West Germany tan pawh Muller hian match 62-ah goal 68 a khung a ni.