Zaninah Mission Veng Derby

Mizoram Super League season linaah Mission Veng Derby hmuh tur a awm dawn a, zanin dar 7:30 hian champion lai Mission Veng Vikings leh Mission Vengthlang Hollow te an inkhel dawn.

Mission Veng hian MSL4 khel tura an ziahluh Ronald March tel lo chungin an khingpui an la hneh vek a, knockout round lut hmasa ber an ni. Vikings-in semifinal-a khingpui awlsam neih an duh a nih chuan Hollow lakah inthlahdah a thiang lo a, chak an mamawh.

Hetihlai hian MSVT erawhin chak hmel an la hmu lo a, an el tawk tura ngaih club pahnih Republic VR4 leh Tuikual South te an hneh tawh loh avangin zanina Vikings an hneh lo a nih chuan relegation playoff an khel ang.