Asian games beiseitu Mirza

Indian tennis star Sania Mirza chuan August thlaa neih tur 2018 Asian Games-ah medal pakhat tal hlawhchhuah theih a inbeisei thu a sawi. Mirza hian 2006 hnu lamah Asian Games apiangin medal a la vaw chhuak ziah a ni.

Kum 31 mi Mirza hi tun dinhmunah khup hliam vangin a chawl mek, he a hliam vang hian nikum October thla hnuah a la inkhel leh lo a, doubles ranking-ah pawh 14-naah a tlahniam tawh.

World number 1 hlui Mirza chuan, "Thla rei lote hnuah ka rawn kir theih ka ring, ram tana medal dawng thei nih ngei ka duhin ka chak a, tunah chuan Asian Games hi ka hmachhawp lian a ni rih," tiin a sawi.

Asian Games hnuhnung ber 2014-a neih zawh takah khan Mirza ten mixed boubles-ah gold an lak bakah doubles-ah bronze medal an vaw chhuak bawk.