La Liga season a zo dawn - Tebas

La Liga president Javier Tebas chuan Spain rama football inelna sang ber chu zawh theih ngei a inbeisei thu a sawi. March 12 aṭang khan La Liga hi tihtawp lailawk a ni a, Spain hi Europe ram zinga Italy dawta coronavirus vanga tuar nasa ber an ni. 

Tebas chuan, "Ram dang league thuneitute nen kan inbe tawh reng a, season hi kan hman zawh theih ngei ka ring. Euro 2020 hian nghawng lian tak a nei dawn a, he inelna hi sawn a nih lo erawh chuan kan buai ang. Kan hriselna hi a pawimawh hmasa ber a ni a. Inelna hi kan zo thei lo a nih chuan kan sum lakluh pawh a tlem phah ngei ang," tiin vawiina UEFA thurel a pawimawh tur thu a sawi.