Alpine skiing champion upa ber Svindal

Norway tlangval Aksel Lund Svindal chuan Winter Olympic neih meka alpine skiing inelnaah gold medal a la, kum 35 mi Svindal hi he inelna huanga champion thei upa ber a ni.

Svindal hian an ram aṭanga inlan ve tho Kjetil Jansrud aiin second 0.12 in a thleng hmasa zawk a, Swiss tlangval world champion ni lai ni bawk Beat Feuz chu pathumna a ni thung.

Alpine skiing cham­pion lai Matthias Mayer-a'n beisei a phak lo, pasarihnaah a thleng hram. Austrian star hian tun hmain World Cham­pionship-ah pangana aia sang ni lo chungin 2014 Sochi Games-ah khan pakhatna a rawn ni nawlh a, kuminah erawh thil mak a thlen nawntir thei lo.