Khelo India Girls League ṭhulh

Mizoram Foot-ball Association kaihhruaina hnuaiah Lunglei District FA-in March 13 aṭangin Khelo India Girls State League buatsaih ṭan tum mah se coronavirus vangin an ṭhulh.

MFA chuan, "Mizoram sorkar ngenna, Mizoram State Sports Council thuchhuak leh all India Football Federation thuchhuakte MFA Office Bearers chuan ngun takin a ngaihtuah a, tun dinhmunah chuan Khelo India Girls hi kaltlangpui loh ni se. Hun remchang hmasa berah chhunzawm a ni ang," tiin thuchhuah an siam.

MFA chuan District FA-te hriatthiamna an dil a, remchang hmasa bera state league khel tura inring reng turin a hriattir bawk.