MCL fixture a chhuak ta

Mizorama cricket inelnaa sum tamna ber Mapuia Cricket League vawi rukna chu March 1 khian khelh ṭan a ni tawh dawn a, nimin khan fixture tihchhuah a ni.

Team paruk Chan­marians CC, Chhinga Veng CC, Kulikawn CC, Ramhlun Veng­lai CC, Zarkawt Lords leh CrOM te inelna tur MCL-ah hian Chanmarians chu champion lai niin Chan­mari club hi season hnih chhung a zawnin an champion tawh.

MCL hi season dang ang bawkin over 20-a khelh tur a ni dawn a, March 20-ah final khelh a ni ang. Mizoram cricket-a league ngaihven hlawhah hian team zawng zawng an intum kual vek ang a, a sang paliin qualifier leh eliminator an khel dawn.

Qualifier 1-ah table hmahruaitu leh pahnihna an intum ang a, a chak zawkin final lutin a chak lo zawk pawn hun ṭha dang an la nei dawn tho.

Table-a pathumna leh palina chu elimi­nator round-ah an inhma­chhawn ang a, heta chak zawk hian qualifier 2-ah pakhatna leh pahnihna inkhela chak lo zawk tum lehin a chak zawkin final an lut dawn a ni.