Twenty20-ah Australia-in record siam

Australia chuan inter­national Twenty20-a target umpha sang ber record siamin New Zea­land chu nimin khan wicket ngain an hneh a, ball sarih a la chuang bawk.

Eden Park, Auck­land-a inkhelah mualneitu New Zealand-in over 20-ah run 243 zet siamin wicket ruk an hloh a, Martin Guptill chuan ball 49 lekah century vaw chhuakin run 105 a siam.

Aussies tan D'Arcy Short chuan ball 44-ah run 76 siamin a vaw chhuak hnem ber a, Aaron Finch chuan chakna run a vaw chhuak a, wicket nga hloin run 245 an siam.

Kum 2015 khan West Indies chuan South Africa target chhawp sak 236-6 chu an lo umpha tawh a, Aussies hian he record hi an khum a ni.