Mizo wrestler-te fehchhuak

37th Boys Free Style, Greco Roman Style leh 20th Women Junior National Championship hmachhawn turin Mizoram aiawh turin wrestler panga te chuan February 17, Inrinni khan Mizoram chhuahsanin inelna neihna hmun tur Jaipur, Rajasthan an pan.

Inelna hi February 22-25 inkar hian neih tur a ni a, wrestler panga te chu Lalmuanawma (Kolasib), Johny Lallawmkima (Saitual), K.Vanlalchhanhimi (Bilkhawthlir), Lalremruati (Kawnpui) leh K. Lalnunmawii (E.Lungdar) te an ni a, Mizoram team hi coach, Ngurthansanga, Upper Republic leh manager C. Lalhmunfela, Chite ten an ho a ni.