MFA Cup Project FC-in semfinal an lut

Kolasib club Project FC chuan Inrinni khan GSA Playground, Mamit-ah New Serchhip FC chu Lalbiakkima goal hmangin 1-0 in an hneh a, group B aṭangin semifinal an lut.

MFA Cup vawi 18-na group stage chu vawiin hian khelh zawh a ni dawn. Chawhnu dar 2:00-ah New Serchhip chuan point khat hmu tawh Aizawl FC Junior an hmachhawn ang a, Serchhip club tan semifinal lut turin chak ngei ngei a ngai tawh.

Group A-ah Champhai DFA Academy-in knockout stage an lut tawh a, anni hian vawiin chawhma dar 10:00 hian Siaha United an hmachhawn ang. Inelna thlengtu Mamit club Kawrtethawvengin chhun dar 12:00-ah Bazar Veng an tum ang a, point an hlawhchhuah chuan semifinal an lut ang.

Vawiin Inkhel Tur
10:00 AM Siaha United Vs CDFA Academy
12:00 PM Bazar Veng Vs Kawrtethawveng FC
2:00 PM New Serchhip FC Vs Aizawl FC Junior
February 17, Inrinni
Project FC 1–0 New Serchhip
PRO : Lalbiakkima 23'