NECS Cup 2018 Bawngkawn leh BVT inlan dawn

Aizawl District Foot-ball Association (ADFA) leh TT Royte Group buatsaih, Aizawl District chhung khua/veng inelna NECS Cup 2018 chu vawiin hian Lammualah khelh chhunzawm leh a ni dawn a, season hmasa finalist Bawngkawn chuan chhun dar 12:00-ah Salem Veng an hmachhawn ang.

Inkhel thiam veng tia hriat lar zinga pakhat Bethlehem Vengthlang leh Zemabawk North inkhel tur hi tualchhung football ngainatute tan a hmuhnawm ang a, match hmasa ber khel tur Chite Veng leh Vaivakawn pawh an inkhel tawk hle tura ngaih a ni.

Inrinni khan second round match thum khelh a ni a, Darlawn, Chawnpui leh Durtlang North ten an khingpui ṭheuh hnehin an tlang, vawiin leh naktuk hian second round khelh zawh tur niin, last 16-a intum tur chu pawh ṭhat leh a ni dawn.

Inrinni Inkhel Results
A hmun : RG Stadium, Mualpui
Edenthar 3 - 3 Darlawn VC I
 EDN : Lalrinfela 35', 37'; Lalawmpuia 54'
 DAR : Lalrochhara 31', 65'; Laldingliana 76'
 (Penalty shootout-ah Darlawn 5-4 in an chak)
Falkawn 1 - 2 Chawnpui
 FAL : Lalremruata 19'
 CHA : Laldawngkima 29', 60'
Phulpui 0 - 1 Durtlang North
 DUR : Jeremy Hmingthansanga 78'
Vawiin Inkhel Tur
A hmun : Lammual
10:00 AM Chite Veng vs Vaivakawn
12:00 PM Bawngkawn vs Salem Veng
02:00 PM Zemabawk North vs Bethlehem Vengthlang