Paralympic entu awm dawn lo

Tokyo 2020 neihna hmun Japan khawpuiah bawk Tokyo Paralympic Games neih a ni leh dawn a, vohbikte tana inelna buatsaih tur hi hripui leng mek vangin a hmuna entu an awm thei dawn lo.

Japan sorkar chuan an ramah inkhuahkhirhna a kalpui lai chu a pawt sei a, inelna neih ṭan hun August 24 pawh a huam tel dawn. Tokyo 2020 pawh kha a hmuna entu awm loin an lo nei tawh a ni.

Inelna buatsaihtu lam chuan thuchhuah siamin, "A hmuna en tuma ticket lo lei lawk tawhte chungah ngaihdam kan dil. Hri leng vanga harsatna kan tawh erawh min hriatthiamsak kan beisei," tiin an sawi.