Djokovic khum thei an awm lo

Association of Tennis Professionals (ATP) chuan world ranking thar a ti chhuak, a chung berah Novak Djokovic a awm chhunzawm. Serbian star hian point 12,113 hmuin amah hnaih bertu Daniil Medvedev-a'n point 10,620 a hmu thung.

Tennis season kal laia Grand Slam title pathum la tawh Djokovic hi kum tawpah pawh number 1 a nih chhunzawm hmel ta hle, a chung berah hian chawlhkar 334 chhung a awm tawh, a record hnaih bertu Roger Federer (310 weeks) a kalsan thui ta hle.

World ranking thlir chuan Djokovic hi a chungnung ta hle, major title lak hnem lamah erawh Federer leh Rafael Nadal (20 titles) te nen an in nihrual mek a, tun season atan Federer hi a inlan ve tawh lo ang.

August thla tawp aṭangin US Open an khel leh dawn, player ṭha an inlan hlawm ang. Champion lai Dominic Thiem tan Djokovic, Nadal, Medvedev, Stefanos Tsitsipas leh Alexander Zverev te chu elpui hautak an ni dawn.