Antetokounmpo tan contract thar

NBA champion Milwaukee Bucks chuan an player ṭha Giannis Antetokounmpo-a unaupa Thanasis Antetokounmpo chu kum hnih daih contract an ziah pui a, Greek unau an kawl chhawnzawm thei tur hi Bucks tan chanchin ṭha a ni ang.

Season hmasa khan Thanasis hian beisei a phak vak lo, mahse regular season bakah playoff thlengin a inlan hnem a, NBA Finals game 5 leh 6 kha hri leng inkaihhruaina vangin khel lo mah se, nomawi an chawina kawngah tha a thawh hlawk viau tho.

Bucks General Manager Jon Horst chuan, "Thanasis hian tharum a ngah a, inkhel a hmachhawn zawng zawngah theihtawp a chhuah ṭhin, kan tan chuan player pawimawh zinga mi a ni," tiin a sawi.