Palina tan car pe dawn

Tokyo 2020 neih zawh taka India infiammi medal la thei dinhmuna ding, mahse medal la loa palina china awmte chu Tata Motors chuan Altroz Car a pe vek dawn.

Japan khawpuia inelna neihah khan hmeichhe hockey team, golfer Aditi Ashok leh wrestler Deepak Punia te chuan intihsiakna an hmachhawnah palina dinhmun an luah ṭheuh, an tan Tata a rawn luang chhuak ta a ni.

Tata Motors hotupa Shailesh Chandra chuan, "India tan chuan kumin Olympic hi a hluin a ropui hle, medal la phak lote pawhin an theihtawpin ram tan an bei a, an duh ber hlawh chhuak lo mah se kan thinlungah hmun pawimawh an chang.

"Keini chuan infiam-mite thawhrimna kan hriatthiam pui a, an thil tih khan infiammi tam tak thinlungah chona a tuh ngei kan beisei, rah ṭha a chhuah ngei ang," tiin India infiammite an chhuan thu an sawi.