Kolkata-ah India an training ta

India football team chuan Thawhṭan aṭang khan Kolkata khawpuiah training an nei ṭan ta. Player koh zinga 23 chuan training ni hmasa ber hi an zawm nghal - Bengaluru FC leh ATK Kolkata player-te erawhin AFC Cup khelh vangin an la zawm ve lo.

Mizo tlangval Lalengmawia (Apuia) chu India team-ah hian a tel. Mumbai City FC player thar hi tun hnaiah a transfer boruak a len em avangin Indian media-te en leh chik bik zingah a tel.

Kolkata hi football ngainatna hmun a ni. Mahse, hun rei tak chhung chu India team ten training neih nan an hmang tawh lo. 2006 khan FIFA World Cup qualifier khelh dawnin inbuatsaih nan an lo hmang tawh, kum 15 a liam hnuah training nan an hmang ve leh chiah tihna a ni.

Player leh coaching staff zawng zawng hi hri leng lakah an fihlim en tih endik hmasa vek an ni a, training ni hmasa berah chuan Covid-19 kai an awm lo.

India Squad:
Goalkeepers: Dheeraj Singh Moirangthem, Vishal Kaith.
Defenders: Ashish Rai, Seriton Fernandes, Rahul Bheke, Adil Khan, Chinglensana Singh, Narender, Akash Mishra, Mandar Rao Dessai.
Midfielders: Bipin Singh, Brandon Fernandes, Lalengmawia, Glan Martins, Jeakson Singh, Pronay Halder, Anirudh Thapa, Sahal Abdul Samad, Yasir Mohammed, Halicharan Narzary.
Forwards: Rahul KP, Farukh Choudhary, Ishan Pandita, Rahim Ali.

AFC Cup hnua zawm tur:
Goalkeepers: Amrinder Singh, Gurpreet Singh Sandhu.
Defenders: Pritam Kotal, Ashutosh Mehta, Subhasish Bose.
Midfielders: Udanta Singh, Suresh Singh Wangjam, Ashique Kuruniyan.
Forwards: Liston Colaco, Manvir Singh, Sunil Chhetri.